Vindhyavasini Stotra एक शक्तिशाली स्तोत्र है जो देवी विंध्यवासिनी की स्तुति में रचा गया है। देवी विंध्यवासिनी को शक्ति (दुर्गा) का रूप माना जाता है, जो विंध्याचल पर्वत पर निवास करती हैं। यह स्तोत्र उनकी महाशक्ति, रक्षा, और संकटमोचक स्वरूप का गुणगान करता है।
विन्ध्येश्वरीस्तोत्रम्
श्रीगणेशाय नमः ।
निशुम्भशुम्भमर्दिनीं प्रचण्डमुण्डखण्डनीम् ।
वने रणे प्रकाशिनीं भजामि विन्ध्यवासिनीम् ॥ १॥
त्रिशूलमुण्डधारिणीं धराविघातहारिणीम् ।
गृहे गृहे निवासिनीं भजामि विन्ध्यवासिनीम् ॥ २॥
दरिद्रदुःखहारिणीं सतां विभूतिकारिणीम् ।
वियोगशोकहारिणीं भजामि विन्ध्यवासिनीम् ॥ ३॥
लसत्सुलोललोचनां लतासदेवरप्रदाम् । var जने सदा वरप्रदाम्
कपालशूलधारिणीं भजामि विन्ध्यवासिनीम् ॥ ४॥
करो मुदा गदाधरो शिवां शिवप्रदायिनीम् । var कराब्जदानदाधरां
वरावराननां शुभां भजामि विन्ध्यवासिनीम् ॥ ५॥
ऋषीन्द्रजामिनिप्रदां त्रिधास्यरूपधारिणीम् । var कपीन्द्रजामिनिप्रदां त्रिधास्वरूप
जले स्थले निवासिनीं भजामि विन्ध्यवासिनीम् ॥ ६॥
विशिष्टसृष्टिकारिणीं विशालरूपधारिणीम् ।
महोदरे विशालिनीं भजामि विन्ध्यवासिनीम् ॥ ७॥
पुरन्दरादिसेवितां मुरादिवंशखण्डनीम् । var सुरारिवंशखण्डिताम्
विशुद्धबुद्धिकारिणीं भजामि विन्ध्यवासिनीम् ॥ ८॥
॥ इति विन्ध्येश्वरीस्तोत्रं सम्पूर्णम् ॥
